Ministrja e Arsimit dhe Sportit, Ogerta Manastirliu, gjatë vizitës në shkollën “Androkli Kostallari” në Shkozë, ku u inaugurua SmartLab-i i ri, i pajisur me 19 laptopë, që do t’u shërbejë për zhvillimin e njohurive digjitale të 263 nxënësve të klasave të para dhe të dyta të kësaj shkolle, foli mbi rëndësinë e sigurisë në shkolla dhe prezantoi masat e reja për parandalimin e dhunës dhe bullizmit.
Manastirliu u shpreh se ato janë tashmë pjesë e strategjisë së digjitalizimit të shkollave në Shqipëri.
Në Tiranë janë 50 shkolla të pajisura me laboratorë Smart, ndërsa në shkallë kombëtare janë 300 laboratorë të instaluar falë bashkëpunimit me AADF dhe Bankën Botërore. Objektivi është që brenda dy viteve të ardhshme të pajisen më laboratorë edhe 600 shkolla të tjera.